सोसोन रुपन्देही गठन, अध्यक्षमा गोविन्दप्रसाद काराखेती !

 

सामाजिक अध्ययन विषयका शिक्षकहरू र यसको विकास तथा प्रवर्धनमा  संलग्न विज्ञहरू बीचमा समन्वय कायम राखी एउटै विषयगत संस्थाका रुपमा एकतावद्ध गर्दै  सामाजिक अध्ययन विषयका शिक्षकको क्षमता अभिवृद्धि गर्न स्थानीय, प्रादेशिक, राष्ट्रिय तथा अन्तर्राष्ट्रिय स्तरमा विषयसँग सम्बन्धित तालिम, सभा, सम्मेलन, सेमिनार, गोष्ठि, कार्यशाला आयोजना गर्ने मूल उद्धेश्यका साथ वि स २०७५ सालमा केन्द्रीय स्तरमा गठित  सामाजिक अध्ययन तथा अनुसन्धान समाज नेपाल-sososn को १९ औ शाखाको रुपमा रुपन्देही जिल्ला शाखा एक भर्चुअल कार्यक्रमको वीच गठन गरिएको  छ |

जिल्लामा कार्यरत सामाजिक शिक्षकहरुको २०७७ श्रावण महिनाको २८ गते बुधवार भएको  भर्चुअल भेला मार्फत रुपन्देही शाखाका पदाधिकारीहरुको चयन गरिएको हो । श्री टिकुलीगढ माध्यमिक विद्यालयका शिक्षक तथा शिक्षा तालिम केन्द्र रुपन्देहीका रोष्टर प्रशिक्षक श्री गोबिन्दप्रसाद  काराखेतिको अध्यक्षतामा गठित ९ सदस्यीय जिल्ला समितिमा उपाध्यक्ष श्री ईन्दिरा गिरि, सचिब, कृष्णप्रसाद ज्ञवाली, कोषाध्यक्ष जानुका लम्साल रहनुभएको छ भने सदस्यहरुमा सफात अली मुसलमान, विजया पाण्डे खनाल, डोरनाथ पौडेल, गायत्रीप्रसाद खरेल र जगन्नाथ ढुंगाना  रहनुभएको छ । त्यसैगरी सल्लाहकारमा श्री जनकल्याण मा वि सैनामैनाका प्रधानाध्यापक अर्जुनप्रसाद पोखरेल , शिवपुर मा बि  तिलोतामाका  शिक्षक श्री केशवराज भण्डारी, जनजागृति मा वि बुटवलका प्रधानाध्यापक श्री टंक पौडेल  र केरवानी माध्यमिक विद्यालयका शिक्षक निर्मल ढुंगाना रहनुभएको छ ।

 

जिल्लाभर सामाजिक विषय अध्यापन गरिरहेका सबै शिक्षकहरुलाई क्रमशः आवद्ध गराउँदै विषयगत दक्षता र पेशागत विकासमा सहयोग पुर्याउने गरी अनुभव तथा सिकाइको आदानप्रदान सहित विभिन्न सिर्जनात्मक कार्यक्रमहरु सञ्चालन गर्न तत्काल योजना बनाइ अगाडी बढ्ने नवगठित जिल्ला समिति अध्यक्ष गोविन्द काराखेतीले  जानकारी दिनुभएको छ ।

जिल्लाका सामाजिक विषय अध्यापन गर्ने शिक्षकहरुको आधुनिक सुचना प्रविधिमा क्षमता अभिबृद्दी गर्दै सामाजिक विषयको लागि आवश्यक पर्ने डिजिटल सामग्री विकास र आदानप्रदान गर्ने निर्णय सहित  जिल्ला समितिको पहिलो बैठक सम्पन्न भैसकेको र जिल्ला भित्रका १६ वटै स्थानीय तह सम्म sososn रुपन्देहीको विस्तार गर्न, केन्द्रले सन्चालन गरिरहेको भर्चुअल तालिमको संयोजन रुपन्देही शाखाले गर्ने सम्बन्धमा र  निकट भविष्यमा रुपन्देहीका स्थानीय तह र सोसोन केन्द्रसँग समवय गरी सामाजिक शिक्षकहरुका लागि तालिम कार्यक्रम सन्चालन गर्ने सम्बन्धमा व्यापक छफल गर्न लागिएको नवगठित जिल्ला समिति सचिव कृष्णप्रसाद ज्ञवालीले  जानकारी दिनुभयो  ।

 समाजका केन्द्रीय अध्यक्ष महेन्द्र विष्टद्द्वारा अध्यक्षता गरिएको उक्त अनलाइन भेलामा उपध्यक्षद्वय शान्ता ढकाल र सूर्य गुरुङ ,महासचिव ज्ञान बहादुर अधिकारी कोषाध्यक्ष सुशिला ढकाल लगायतको सहभागिता रहेको थियो भने कार्यक्रमको सन्चालन/ संयोजन SOSON- चितवन अध्यक्ष बुद्धिबहादुर खड्काले गर्नु भएको थियो |