आदरणीय जनप्रतिनिधि
, शिक्षा अधिकृत, अभिभावक , प्रधानाध्यापक, शिक्षक , विद्यार्थी लगायत सम्पूर्ण
शिक्षा सरोकार व्यक्तित्वहरु !
२०७६ साल चैत्र
११ गतेबाट नेपाल सरकारले कोभिड-१९ को संक्रमणको नियन्त्रणको प्रयाश स्वरूप लामो
समय अवधि सम्म लक डाउन गर्यो | लामो समय अवधिको लक डाउनले देश भरिको जनजीवन
अस्तव्यस्त भएको महसुस गरी खुकुलो लकडाउन हुदै अहिले लकडाउन पूर्णत: हटेको अवस्था छ
| यद्दपी कोभिड -१९ को संक्रमणको दर दिनानुदिन बढिरहेको कुरा प्राप्त तथ्यांकहरुले
पुष्टि गरि रहेका छन् | आज मात्र एकै दिन
५००० बढी नेपालीलाई कोरोना पुष्टि भएको छ
|
गत चैत्र देखि
हाल सम्म आईपुग्दा नेपाल सरकार शिक्षा विज्ञान तथा प्रविधि मन्त्रालयले वैकल्पिक
सिकाई सहजीकरण निर्देशिका,२०७७ र विद्यार्थी सिकाई सहजीकरण निर्देशिका,२०७७ जारी
गरि विभिन्न विधिहरुबाट विद्यार्थी सिकाईलाई निरंतरता दिन बाटो खोलेको छ ,विद्यालयलाई
निर्देशन गरेको छ | विद्यार्थी सिकाई
सहजीकरण निर्देशिका,२०७७ ले विद्यालयमा गत वर्षको वार्षिक परिक्षामा सहभागी
विद्यार्थीलाई आधार मानेर विद्यार्थीहरुको वर्गीकरण गरि कुनै पनि किसिमको प्रविधिको
पहुच नभएका विद्यार्थीहरुको समुहलाई सिकाई सहजीकरण गर्न विद्यालय भवनलाई सिकाई
केन्द्र बनाउन सकिने प्रावधान कायम गरे पश्चात एकातिर अधिकाश संस्थागत विद्यालय र
केहि सहर केन्द्रित र सुबिधा सम्पन्न सामुदायिक विद्यालय जसले लक डाउन अवधिमा समेत
अनलाईन कक्षा संचालन गर्दा सफलता पाएका थिए उनीहरुले समेत विद्यालय भवनलाई सिकाई
केन्द्र बनाउन सकिने प्रावधानलाई टेकेर अनलाइन कक्षा समेत बन्द गरी विद्यार्थी र
अभिभावकलाई मनोबैज्ञानिक दवाव सिर्जना गरी विद्यार्थीको भौतिक उपस्थितिमा सामान्य
परिस्थितीमा झै कक्षा संचालन गरिरहेका छन् भने सुविधा विहिन विद्यालयहरुले यो विकल्पको
भरपुर प्रयोग गरिरहेका छन् तर विद्यालय हरुले स्वास्थ्यका निर्धारित मापदण्डहरुको
पूर्ण पालना भने गरेका छैनन |
यो परिदृश्यमा
अवका दिनमा कोभिड-१९ को संक्रमणको सिकार हुने समुह विद्यार्थी र शिक्षक नै हो,
यसमा दुइमत हुने सक्दैन | हामीले आजका दिन सम्म जे जसरी सिकाइ सहजीकरण गर्यौ अव आगामी
दिनमा पनि उही विधि र शैलीले सिकाई सहजीकरण गरिरहयौ भने हाम्रा विद्यालयहरु
कोभिड-१९ को हव बन्नेछन् | तसर्थ आगामी दिनमा सिकाई सहजीकरणलाई निम्नानुसार
निरन्तरता दिन मेरो सुझाव छ |
१. प्रारम्भिक
बाल विकास कक्षा देखि कक्षा ५ साम्मका विद्यार्थीहरुलाई सिकाइ सहजीकरण गर्न सम्भव
भएसम्म उनीहरु जुन टोल र समुदायमा छन, सोहि टोलमै रहेका शिक्षकहरुलाई परिचालन गरौ |
टोल पिच्छे शिक्षक उपलव्ध हुने कुरा कठिन पनि हुन सक्छ, यस्तो अवस्थामा सोहि टोलकै
माथिल्लो कक्षा (कक्षा १०,११ र १२ ) का विद्यार्हीलाई स्वयंसेवक छनौट गरि सिकाई
सजीकरण गरौ | यदि त्यो सम्भव देखिएन भने पालिका वा विद्यालयले नै स्वयम् सेवक सहजकर्ता छनोट गरी परिचालन गरौ वा
टोल भित्र रहेका शिक्षित अभिभावक , NGO र INGO का सामाजिक परिचालक लाई स्वयम् सेवक सहजकर्ता भई सेवा प्रदान गर्न अनुरोध गरौ |
२. कक्षा ६ देखि
१२ को हकमा विषयगत शिक्षकहरुले विद्यार्थीको न्यूनतम सिकाई उपलव्धि सुनिस्चित हुने
गरी विषयगत स्वाध्ययन सामग्री ( विषयगत नोट, सारांश , प्रश्नको समाधान आदि ) तयार
गरि विद्यार्थीलाई उपलव्ध गराऔ र स्वअध्ययनमा जोड दिऊ |
३. कक्षा १ देखि
१२ सम्मका सबै विद्यार्थी अथवा अभिभावकलाई हाल नेपाल टेलिकमले निशुल्क रुपमा
उपलव्ध गराउदै आएको रू ९९ मा महिनाभरी अनलिमिटेड कल सुबिधा र ५ GB डाटा रहेको
पाठसाला CUG सिमकार्ड मार्फत शिक्षक र विद्यालय प्रशासन संग जोडौ | यसो गर्नाले
अभिभावक, सहजकर्ता, विद्यार्थी लगायत सबै एउटा सिकाई समुहमा आवद्ध हुन गई कल
सम्पर्क र ठुला कक्षाका विद्यार्थी र साना कक्षाका अविभावक को विचमा भर्चुअल
सम्पर्क स्थापित गर्न सहयोग मिल्छ | यसले शिक्षकलाई विद्यार्थीको गतिविधि बुझ्न
सहयोग पुर्याउने छ |
४. सवाध्ययानको क्रममा
विद्यार्थी लगायत सम्बद्ध पक्षलाई पर्ने असजिलो हटाउन कम्तिमा १५ दिनमा एक पटक सुरक्षा
र सतर्कता पुर्वक विद्यालय विद्यार्थीको घरमा पुग्ने वातावरण निर्माण गरौ |
आदरणीय
व्यक्तित्वहरु ! दिनानुदिन बढिरहेको यो सक्रमणको अवस्थामा भौतिक रुपमा विद्यार्थीलाई
विद्यालय परिसरमा सिकाई सहजीकरणको लागि उपस्थित नबनाऔ | विद्यालयलाई कोभिडको हव
बन्न नदिऊ | आफु बचौ ! अरुलाई पनि बचाऔ !
अनुरोधक
कृष्णप्रसाद
ज्ञवाली
शिक्षक भगलापुर
माध्यमिक विद्यालय , रुपन्देही
